İran İslam Respublikası ilə Azərbaycan Respublikası arasında əlaqələrin genişləndirilməsinin zəruriliyi vurğulanıb.

Azərbaycan Prezidentinin köməkçisi Hikmət Hacıyevin İran İslam Respublikasının Prezidenti cənab Pezeşkian və Prezidentin siyasi məsələlər üzrə müşaviri Mehdi Sənai ilə görüşündə ikitərəfli əlaqələrin genişləndirilməsinin zəruriliyi vurğulanıb.

 

 

Prezident Administrasiyasından verilən məlumata görə, prezidentin siyasi müşaviri Mehdi Sənainin dəvəti ilə Tehrana səfər edən Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev ölkəsinin İran İslam Respublikası ilə bütün sahələrdə əlaqələri inkişaf etdirmək əzmində olduğunu vurğulayaraq bildirib: “Azərbaycan Respublikası İran İslam Respublikası ilə siyasi, iqtisadi və mədəni əlaqələrin səviyyəsini heç bir məhdudiyyət olmadan və qarşılıqlı fayda əsasında inkişaf etdirməkdə maraqlıdır. İki ölkə arasında münasibətlərdə əsas məqam etimadı gücləndirmək və anlaşılmazlıqları aradan qaldırmağa çalışmaqdır.”

 

Prezident Administrasiyasının Xarici siyasət məsələləri şöbəsinin müdiri qeyd edib ki, Azərbaycan tərəfdən İrana heç bir təhdid olmayacaq.

 

Azərbaycan İran üçün təkcə mühüm və dəyərli qonşu deyil, iki ölkənin xalqları bir-birinə qohum və dostdurlar. Ona görə də iki ölkə arasında münasibətlərin səviyyəsi hər iki tərəf üçün uyğun deyil, bunu nəzərə alaraq, iki ölkə arasında münasibətlərin səviyyəsi sırf diplomatik formatdan kənara çıxmalı, digər dövlət və özəl sahələrə də yayılmalıdır – deyə Sənai bildirib.

 

Sənai görüşdə həmçinin qeyd edib: “Sərhədlərin açılması, giriş-çıxış məntəqələrinin inkişafı və bunun nəticəsində insanlar arasında təmasların dərinləşməsi əməkdaşlığın asanlaşmasına böyük təsir göstərəcək. İranın öz qonşuları, o cümlədən Azərbaycan ilə münasibətlərdə əsas məqsədi strateji əlaqələr qurmaq, istənilən gərginlikdən uzaq olmaqdır.”

 

Sənai əlavə edib ki, iki ölkə arasında ticarət dövriyyəsinin həcmi çox kiçikdir: “Biz makroiqtisadi və ticarət layihələrini müəyyən etməklə, iş adamlarını mədəni-iqtisadi əlaqələrin inkişafı və genişləndirilməsinə cəlb etməyə çalışmalıyıq. İki ölkənin mənafeyi naminə iqtisadi əlaqələr və ticarət şəbəkəsi yaratmaq üçün lazımi imkanlar və vacib platformalar mövcuddur.”