Azərbaycan Respublikası Baş nazirinin müavininin İran İslam Respublikasının Ali Milli Təhlükəsizlik Şurasının katibi ilə görüşü

İRNA-ya istinadən bildirilir ki, İki ölkə arasında iqtisadi, ticarət və humanitar əməkdaşlıq üzrə Birgə Hökumətlərarası Komissiyanın 16-cı iclasında iştirak etmək məqsədilə İrana səfər edən nümayəndə heyətinə rəhbərlik edən Azərbaycan Respublikası Baş nazirinin müavini Şahin Mustafayev, Ali Rəhbərin nümayəndəsi və ölkəmizin Ali Milli Təhlükəsizlik Şurasının katibi Əli Əkbər Əhmədiyan ilə görüşüb.

İRNA-nın Ali Milli Təhlükəsizlik Şurasına istinadən verdiyi məlumata görə, bu görüşdə iki ölkə arasında əlaqələrin inkişafının son vəziyyəti və perspektivləri, eyni zamanda iqtisadiyyat, nəqliyyat, enerji, ticarət, investisiya və digər sahələrdə əməkdaşlığın genişləndirilməsi və birgə həyata keçirilən layihələrin əhəmiyyəti müzakirə olunub.

Görüşdə Azərbaycan Baş nazirinin müavini Ali Milli Təhlükəsizlik Şurası katibinin Azərbaycana son səfərini uğurlu qiymətləndirərək, birgə layihələrin sürətlə irəliləməsinə görə minnətdarlığını bildirib.

Ali Milli Təhlükəsizlik Şurasının katibi də öz növbəsində iki ölkə arasında əlaqələrin inkişafını alqışlayıb və qeyd edib ki, Azərbaycan tərəfinin iki ölkə arasında əlaqələri inkişaf etdirməyə hazır olduğunu İranın ali hakimiyyət orqanlarına çatdırıb.

Əhmədian İran İslam Respublikasının Azərbaycana münasibətini müsbət və qardaşcasına olduğunu qeyd edərək, iki ölkə arasında əməkdaşlıq imkanlarının mövcud vəziyyəti üstələyəcəyini hesab edib. O, iki ölkə arasında əlaqələrin inkişaf etdirilməsi üçün enerji marşrutlarının inkişafı və Azərbaycanı Hindistan və Çinlə birləşdirən dəhlizlərin inkişafı, açıq dənizə çıxış kimi qarşılıqlı maraq doğuran məsələlərlə şəxsən maraqlanacağını vurğulayıb. 

Görüş zamanı regional və ikitərəfli maraq doğuran digər məsələlər ətrafında fikir mübadiləsi aparılıb.

.