İran İslam Respublikasının səfiri Qafqazın ən böyük məscidi ilə tanış olub

İran İslam Respublikasının  Azərbaycan Respublikasındakı səfiri Müctəba Dəmirçilu Bakıda yerləşən Heydər məscidinə ziyarəti çərçivəsində Qafqazın ən böyük məscidi ilə tanış olmuş, məscidin rəhbərliyi, həmçinin sünni və şiə icmasının imamları ilə görüşərək söhbətlər aparmışdır.

Görüşlərdə İslam həmrəyliyinin müsəlmanların ortaq mənafelərinin təminində və İslam ölkələrinə yönələn təhdidlərə qarşı mübarizədə oynadığı mühüm rola xüsusi diqqət çəkilmiş, həmçinin İran ilə Azərbaycan Respublikası arasında dini tədqiqatlar sahəsində əməkdaşlıq imkanları müzakirə olunmuşdur.