İran Prezidentinin siyasi məsələlər üzrə müşaviri Azərbaycan Respublikasının Prezidenti ilə görüşüb

İran İslam Respublikası Prezidentinin siyasi məsələlər üzrə müşaviri Mehdi Sənayi Bakıya səfəri çərçivəsində Azərbaycan Respublikasının Prezidenti İlham Əliyevlə görüşüb.

Mehdi Sənayi 2025-ci il aprelin 1-də Azərbaycan Respublikasının Prezidenti ilə görüşündə İran İslam Respublikası və Azərbaycan Respublikası arasındakı münasibətlərin qonşuluq əlaqələrinin əsas prinsiplərinə, qardaşlıq və qohumluq münasibətlərinə əsaslandığını vurğulayıb.

Görüşdə tərəflər iki ölkə arasında iqtisadi, siyasi, mədəni, müdafiə və təhlükəsizlik sahələrində əlaqələrin gücləndirilməsinə maraqlı olduqlarını ifadə ediblər. Həmçinin ticarət və nəqliyyat sahəsində mövcud maneələrin aradan qaldırılmasını qeyd edərək, iki ölkə arasında təcrübə mübadiləsini alqışlayıblar.