İran İslam Respublikasının Azərbaycan Respublikasındakı fövqəladə və səlahiyyətli səfiri Müctəba Dəmirçilu ilə Azərbaycan Respublikasının xarici işlər nazirinin müavini Yalçın Rəfiyev arasında görüş keçirilib.   Görüş zamanı iki ölkə arasında regional və beynəlxalq təşkilatlar çərçivəsində əməkdaşlıq məsələləri ətrafında fikir mübadiləsi aparılıb.   Tərəflər bir çox beynəlxalq məsələlərdə iki ölkənin mövqelərinin yaxınlığını vurğulayaraq, qarşılıqlı mövqelərin, təşəbbüslərin və beynəlxalq tədbirlər çərçivəsində qarşıdan gələn seçkilərdə namizədlərin dəstəklənməsi və daha sıx koordinasiyanın zəruriliyini qeyd ediblər.